
واجهة المتجر
صور الواجهة والأقسام والمنتجات المميزة والعروض، وكلها بتتظبط من لوحة التحكم.
التجارة الإلكترونية
متجر أونلاين للأجهزة الكهربائية: موديلات ومقاسات، دفع أونلاين، عروض وباقات، مساعد تسوق ذكي، ولوحة تحكم بتدير المحل
متجر أونلاين متكامل لمحلات الأجهزة الكهربائية والأدوات المنزلية: أقسام وماركات بمقاسات وألوان، سلة وطلب من غير حساب، دفع أونلاين بالكارت أو المحفظة، مصاريف توصيل حسب العنوان، عروض وباقات، مساعد تسوق ذكي، مقالات أدلة شراء، فواتير وتقارير مالية.

بيع الأجهزة أونلاين مش زي بيع الهدوم. العميل بيقارن السعة وكفاءة الطاقة والضمان، وبيسأل أنهي تلاجة تنفع لأسرة ٥ أفراد، وعايز يعرف مصاريف التوصيل لمحافظته، وكتير بيحتاج حد يأكدله موديل أو نظام تقسيط قبل ما يدفع. صفحة فيها صورة وسعر مش كفاية.
النظام ده معمول لمحلات الأجهزة الكهربائية والأدوات المنزلية، بالعربي والإنجليزي. المتجر متقسم بالأقسام والماركات، وفيه فلاتر بالسعر والماركة والعروض، وبحث بيفهم الناس بتكتب إزاي («تلاجه» أو «غساله» أو «fridge»). صفحة كل منتج فيها السعر قبل وبعد الخصم، والسعة والقدرة وكفاءة الطاقة والضمان واللون وبلد الصنع، والمنتج ممكن يبقى منه أكتر من مقاس أو لون، كل واحد بسعره ومخزونه.
العميل يطلب كضيف أو بحساب. صفحة الطلب بتاخد المحافظة والمدينة والعمارة والشقة، والدفع أونلاين عن طريق Paymob بالكارت أو المحفظة. ولأن مصاريف توصيل تلاجة أو غسالة بتختلف حسب العنوان وحجم الطلب، المحل بيحدد مصاريف التوصيل بعد الطلب والعميل بيوصله رابط يدفعها. وكل طلب ليه فاتورة PDF بالعربي والإنجليزي بتتبعت للعميل بالإيميل.
العروض والباقات بتجمع كذا منتج بسعر واحد، بتاريخ بداية ونهاية وكمية محدودة، زي عرض تجهيز العروسة فيه تلاجة وغسالة وبوتاجاز. وصور الواجهة والأقسام والمنتجات المميزة في الصفحة الرئيسية كلها بتتظبط من لوحة التحكم، ومدونة أدلة الشراء بتجيب زيارات من جوجل.
مساعد التسوق الذكي بيرد على العملاء في أي وقت: بيرشح الموديل المناسب لاحتياج العميل وميزانيته، وبيقارن بين المنتجات جنب بعض، والعميل يضيف للسلة من جوه المحادثة. ولو العميل محتاج تقسيط أو تأكيد مقاسات أو خدمة ما بعد البيع، بيحوّله لفريق المبيعات على واتساب برقم مرجعي وبيسجله كعميل محتمل في اللوحة. ولو منتج ناقص مواصفات، المساعد بيدور عليها ويبعتها للمحل يوافق عليها قبل ما تتنشر.
لوحة التحكم بتعرض مبيعات النهارده والطلبات اللي محتاجة متابعة وآخر ١٤ يوم. الطلب بيمشي من المراجعة للتأكيد للتجهيز للشحن للتسليم، وكل خطوة متسجلة. وصفحة المنتجات بتحلل الكتالوج: قيمة المخزون، والمنتجات اللي عليها خصم، وجودة البيانات، والأكثر مبيعًا، واللي محتاج يتطلب تاني. والتقارير المالية بتوضح المبيعات والمحصّل والمستحق ومتوسط الطلب ونسبة الإلغاء والمبيعات حسب المحافظة والأكثر مبيعًا لأي فترة، مع تصدير Excel. والعملاء وطلباتهم وإجمالي مشترياتهم في مكان واحد.
المتجر بيتسلم باسم محلك ولوجو محلك وأقسامك وماركاتك وأسعارك، وفريقك بيتدرب عليه قبل التشغيل.

صور الواجهة والأقسام والمنتجات المميزة والعروض، وكلها بتتظبط من لوحة التحكم.

فلترة بالقسم والماركة والسعر والعروض، وبحث بيفهم العامية والإنجليزي.

صور، وسعر قبل وبعد الخصم، والسعة وكفاءة الطاقة والضمان والمواصفات كاملة.

طلب كضيف أو بحساب، والعنوان بالمحافظة، ودفع Paymob بالكارت أو المحفظة.

كذا منتج بسعر واحد، بعداد تنازلي ومدة وكمية محدودة.

بيرشح ويقارن الموديلات، ويضيف للسلة، ويحوّل العملاء للمبيعات على واتساب.

مراحل الطلب، ومصاريف التوصيل برابط دفع، وحالة الدفع، وفاتورة PDF وسجل للطلب.

تحليل الكتالوج، وقيمة المخزون، والأكثر مبيعًا، والراكد، وتنبيه إعادة الطلب.

المبيعات والمحصّل والمستحق ومتوسط الطلب ونسبة الإلغاء لأي فترة، مع تصدير Excel.

العملاء المحتملين بالسبب والمنتجات، وكل المحادثات، ومواصفات مستنية موافقتك.

مقالات بتتكتب وتتنشر من اللوحة وبتجيب زيارات من جوجل.
كل اللي محتاجه عشان تبيع أونلاين. بعد السنة الأولى: اشتراك سنوي.
٦٬٥٠٠دولارمرة واحدة
المتجر ومعاه مساعد التسوق الذكي والمحتوى. بعد السنة الأولى: اشتراك سنوي.
١١٬٥٠٠دولارمرة واحدة
بيضيف أكواد الخصم والتقييمات وإشعارات واتساب ومخزون الفروع، متعملين لمتجرك. بعد السنة الأولى: اشتراك سنوي.
١٨٬٠٠٠دولارمرة واحدة
تشمل الأسعار التجهيز والتسليم. أي تعديلات خارج الباقة يتم تسعيرها بشكل منفصل.
المتجر بياخد الدفع أونلاين عن طريق Paymob بالكارت أو المحفظة قبل تجهيز الطلب، وده بيحمي المحل من الطلبات اللي ما بتتستلمش. والدفع عند الاستلام بيتضاف حسب الطلب.
المحل بيحددها بعد الطلب حسب العنوان وحجم الطلب، والعميل بيوصله رابط يدفعها قبل الشحن. وممكن تتحدد مصاريف لكل محافظة أو يبقى التوصيل مجاني.
المساعد شغال على حساب ذكاء اصطناعي باسم المتجر، والاستخدام بيتحاسب عليه من مقدم الخدمة وغالبًا تكلفته بسيطة لمحل. وفيه حد يومي بيحمي الحساب من سوء الاستخدام.
لأ. لما العميل يسأل عن التقسيط بياخد اسمه ورقمه ويحوّله لفريق المبيعات على واتساب برقم مرجعي، وواحد من الفريق هو اللي بيأكد النظام.
موجودين في باقة المتجر الكامل وبيتعملوا لمتجرك قبل التسليم. وباقي الباقات فيها خصم بتاريخ بداية ونهاية وباقات، من غير أكواد.
أيوه. بيتسلم باسم محلك ولوجو محلك وأقسامك وماركاتك ومنتجاتك وأسعارك.
أيوه، من لوحة التحكم: الاسم بالعربي والإنجليزي، والصور، والمواصفات، والمقاسات والألوان بمخزون لكل واحد، والخصم بتاريخ.
الاستضافة والدعم الفني بيكملوا باشتراك سنوي، وبياناتك بتفضل ملكك.
اترك بياناتك وسيتواصل معك أحد متخصصي نيلكس ليعرض عليك النظام ويجيب عن أسئلتك. بدون أي التزام.


التجارة الإلكترونية
متجر أونلاين للسوبر ماركت بتاعك: بيع بالوزن، مناطق ومواعيد توصيل، ولوحة إدارة كاملة
سوبر ماركت أونلاين متكامل: متجر بالعربي والإنجليزي، منتجات بتتباع بالقطعة أو بالوزن أو بالحجم، مناطق توصيل لكل منطقة رسومها وحدها الأدنى، مواعيد توصيل بسعة لكل فترة، اختيار البدائل، دفع عند الاستلام أو محفظة إلكترونية، ولوحة إدارة للطلبات والمنتجات والأقسام والماركات والتوصيل والتقارير المالية.
يبدأ من٦٬٠٠٠ دولار

التجارة الإلكترونية
متجر إلكتروني لدار النشر بتاعتك، فيه مستشار كتب بالذكاء الاصطناعي، وصفحات للمؤلفين، وفعاليات، وCRM للمبيعات، ولوحة إدارة كاملة
نظام كامل لدور النشر والمكتبات المتخصصة: متجر بالعربي والإنجليزي، ومستشار كتب ذكي يرشّح من كتالوجك، وكوبونات، وشحن حسب المحافظة والدولة، ودفع بالكارت، ولوحة إدارة للكتب والطلبات والعروض والفعاليات والتقارير، وCRM للمبيعات بواتساب.
يبدأ من٦٬٥٠٠ دولار

تخطيط موارد المؤسسة
أدِر كل مراكز أفلام الحماية والنانو سيراميك والتظليل من شاشة واحدة
نظام إدارة متكامل لمراكز حماية السيارات (PPF، نانو سيراميك، تظليل، تغيير لون، تلميع): دخول السيارة بتقرير حالة موقَّع، أوامر الشغل، الضمانات الإلكترونية، المتابعات، مخزون الأفلام بالمتر، المشتريات، المالية، الرواتب، الحجوزات وCRM للمبيعات — لمركز واحد أو سلسلة كاملة.
يبدأ من٦٬٥٠٠ دولار