نظام السوبر ماركت أونلاين وتوصيل البقالة

ماذا يقدّم

السوبر ماركت مش متجر أونلاين عادي. العميل بيشتري كيلو ونص طماطم ولتر لبن وكيس رز في نفس السلة، وعايز الطلب في الميعاد اللي يناسبه، وبيرجع كل أسبوع لنفس الحاجات. وقالب المتجر العادي مش بيعرف يتعامل مع ده.

السيستم ده معمول للبقالة. المتجر بالعربي والإنجليزي، على الموبايل والكمبيوتر، وفيه وضع ليلي. العميل بيتصفح بالأقسام، ويفلتر بالعروض والمتوفر والمبرد والمجمد، ويبحث بالمنتج أو الماركة أو الباركود، وبيشوف السعر للكيلو أو اللتر أو الوحدة على كل منتج.

المنتجات بتتباع زي ما بتتباع في المحل: بالقطعة أو بالوزن أو بالحجم، بخطوة كمية (مثلاً ربع كيلو) وحد أقصى للطلب. والأصناف الموزونة بتتأكد بالوزن الفعلي وقت تجهيز الطلب. وفي السلة العميل بيشوف فاضل كام على التوصيل المجاني والحد الأدنى للطلب، ويختار يحصل إيه لو صنف مش موجود: كلموني، أو بدّلوه بمنتج مشابه، أو شيلوه.

في إتمام الطلب العميل بيختار منطقة التوصيل — كل منطقة ليها رسومها وحدها الأدنى وحد التوصيل المجاني — ويحجز يوم وفترة توصيل. والفترات ليها سعة وبتتقفل لوحدها لما تتملى. والدفع كاش عند الاستلام أو محفظة إلكترونية / إنستاباي برقم العملية. والعميل يقدر يطلب كضيف أو بحساب بيحفظ طلباته وعناوينه.

في لوحة الإدارة كل طلب بيمشي من قيد المراجعة لمؤكد لجاري التجهيز لمع المندوب لتم التسليم، وكل تغيير متسجل بوقته، مع حالة الدفع والملاحظات الداخلية. والمنتجات ليها اسم عربي وإنجليزي وباركود وماركة وقسم ووحدة وصافي محتوى ونوع التخزين وسعر عرض بتاريخ بداية ونهاية ومخزون وتنبيه للمخزون المنخفض وأكتر من صورة. ومناطق ومواعيد التوصيل بتتدار من اللوحة، ولوحة التحكم والتقارير المالية بتوضح الإيرادات والطلبات ومتوسط قيمة الطلب والطلبات حسب الحالة.

المتجر معمول بـ SSR لمحركات البحث، ببيانات منظمة لمحل بقالة. وبيتسلّم بشعارك وألوانك وأقسامك ومنتجاتك ومناطق التوصيل بتاعتك، وبندرّب فريقك قبل الإطلاق.