نظام إدارة مراكز صيانة السيارات

ماذا يقدّم

مركز الصيانة بيخسر فلوس في تفاصيل صغيرة: سيارة اتستلمت من غير قراءة العداد، شغل بدأ قبل ما العميل يوافق على السعر، قطعة اتركبت ومحدش حاسب عليها، فني محدش عارف اشتغل كام ساعة، وعميل ما رجعش في ميعاد تغيير الزيت الجاي.

السيستم ده بيمشي مع كل سيارة من البوابة لحد التسليم. أمر الشغل بيتفتح في 5 خطوات: العميل، السيارة، الاستلام (العداد، مستوى الوقود، الأولوية، موعد التسليم، وشكوى العميل)، تقدير مبدئي اختياري، والمراجعة. وكل أمر شغل بيمشي في مراحل واضحة: مسودة، فحص، بانتظار الموافقة، تمت الموافقة، جارٍ العمل، بانتظار قطع الغيار، مراجعة الجودة، جاهزة للتسليم، وتم التسليم.

في الفحص الفريق بيملا قائمة فحص — كل بند سليم أو يحتاج متابعة أو عاجل — ويكتب التشخيص. والتقدير بيتكوّن من قطع غيار من مخزون الفرع (والكمية المتوفرة قدامك)، ومصنعية بالساعة، وخدمات من قائمة الأسعار، والإجماليات والضريبة بتتحسب لوحدها. التقدير بيتبعت واتساب أو SMS أو إيميل، والعميل يوافق أو يرفض كل بند من بوابة العملاء؛ أو تتسجل الموافقة في المركز بطريقتها واسم اللي وافق.

الشغل بيبدأ على البنود الموافق عليها بس. الفنيين بيتحددوا على أمر الشغل وكل فني بيسجل بداية ونهاية شغله، فتعرف كل أمر شغل أخد قد إيه وكل فني اشتغل قد إيه. وقطع الغيار بتمشي من مطلوبة لاتطلبت لاتستلمت لاتصرفت، والصرف بيخصم من مخزون الفرع. وقبل ما السيارة تبقى جاهزة، السيستم بيتأكد إن كل القطع الموافق عليها اتصرفت وإن عداد الخروج اتسجل.

عند التسليم الفاتورة بتتعمل من البنود الموافق عليها، والدفع ممكن يكون كامل أو جزئي، كاش أو كارت أو تحويل. والتقدير وكارت الشغل والفاتورة بيتطبعوا PDF بالعربي. وكل حركة بتتسجل في سجل أمر الشغل بمين عملها وإمتى.

لوحة الورشة بتوضح أوامر الشغل المفتوحة والمراحل والسيارات داخل الورشة والتذكيرات المستحقة وإيراد الورشة، ولوحة المتابعة بتعرض كل أمر شغل كارت في مرحلته. وشاشة السيارات داخل المراكز بتوضح كل سيارة موجودة في كل فرع دلوقتي واللي متأخر. وكل سيارة ليها تاريخ كامل: الزيارات وقراءات العداد والإنفاق وسجل الصيانة، وتذكيرات الصيانة بالكيلومتر أو بالتاريخ بترجّع العميل في ميعاده.

والسيستم فيه CRM للعملاء المحتملين والمتابعات، ومالية وموارد بشرية لكل فرع، وتقارير بتقارن بين الفروع. بيتسلّم بالعربي والإنجليزي، متظبط على فروعك وخدماتك وقطع الغيار والأسعار، وبندرّب فريقك قبل التشغيل.