نظام إدارة مصانع ومحامص البن

ماذا يقدّم

المحمصة مش بتبيع منتج واحد. بتشتري البن الأخضر بالكيلو، وجزء من وزنه بيضيع في التحميص، وبتخلط البن المحمص والنكهات في خلطات، وبتطحن وتعبّي، وبتبيع جنبهم شاي وسكر وبسكويت. وكمان بتحمّص وتطحن بن العميل اللي جايبه معاه. ولما ده كله يبقى على ورق وإكسيل، محدش بيعرف تكلفة الكيلو الحقيقية.

السيستم ده بيمشي مع البن من المورد لحد العميل. أنواع البن الأخضر متسجلة ببلد المنشأ ونسبة الفاقد في التحميص الفاتح والمتوسط والغامق، عشان تكلفة البن المحمص تتحسب صح. والبن المحمص، والنكهات زي البندق والهيل والشوكولاتة، والمنتجات الفرعية زي الشاي والسكر والبسكويت، كل واحد بوحدته وتكلفته المتوقعة والفعلية وسعر بيعه.

الخلطات بتتحفظ كتركيبة: تختار بن محمص بأي درجة ونكهات، وتحدد نسبة كل مكوّن، والسيستم مش بيقبل التركيبة غير لما المجموع يكمّل 100%. وقبل ما تنتج دفعة، حاسبة الإنتاج بتراجع كل مكوّن وتقولك بالظبط ناقص كام كيلو لو المخزون مش كفاية. وكل دفعة بتدخل مخزون الخلطات برقمها وتاريخ إنتاجها.

طلب العميل بيتعمل في 3 خطوات: تختار العميل، وتضيف المنتجات — بن أخضر أو محمص، خلطة، نكهة، منتج فرعي، أو خدمة بس على بن العميل — وتراجع الخصم والاستلام من المصنع أو التوصيل والإجمالي. وكل منتج ممكن يتضاف عليه خدمات زي التحميص والطحن والتعبئة في أكياس والتغليف الفاخر والتوصيل السريع، كل خدمة بسعرها، وتفاصيل التسعير بتوضح السعر الأساسي + الخدمات.

الدفعات وحالة الطلب والـ PDF من صفحة الطلب. والمرتجعات بتتسجل بالمنتج والكمية والسبب، وكل مرتجع يا إما يرجع المخزون يا يتسجل إعدام، باسم اللي قرر وتاريخه.

والمشتريات من الموردين بتتسجل طلبات توريد فيها بن أخضر ونكهات ومنتجات فرعية بالكيلو، ومخزون البن الأخضر في كل مصنع بيوضح الكمية والمنشأ والتكلفة المتوقعة والفعلية. وكل مصنع ليه لوحة تحكم بقيمة المخزون والتكاليف والإيرادات.

النظام بيتسلّم بالعربي، متظبط على أنواع البن والخلطات والخدمات والأسعار بتاعتك، وبندرّب فريقك قبل التشغيل.